الناس واجد

 

الناس واجد بس في حزة الضيق
ماينطح الطولات الا الكراما

اللي لهم مع المواقف توافيق
نسناسها برد(ن)على من تعامى

وانا مثل غيري اروم المطاليق
واحب اذكر فعلهم لا ترامى

واللي اقوله حق ماهو تلافيق
ولا كلام(ن)في فضاه انعداما

شفنا زحول(ن)بالشهامه مرازيق
تهمي كما العارض هماليل ياما

اوجيههم بالخير شمس المشاريق
مع فيضة الاصباح تجلي الغماما

وماهي غريبه منك نيل التوافيق
لاصرت راس(ن)من رؤوس النشامى

يافاتح(ن)بيته على شاهق اطويق
يهناك طول الباع لامن تسامى

لاشرق صباح الخير بلبا مساحيق
يفوح عطر(ن)في الفيافي تنامى

حتى البختري يكسب القاع توريق
يزهر به المرباع بعد الصراما

فعل الكرام بمثلك يشوش ويليق
واذا استوى عوده كساه الهياما

جلست نادي وابتسم للطواريق
في ريف ودك يا فياض اليتامى

وشفتك وشفت الفضل لابلل الريق
للي شرب حزنه فكاس الندما

ياسعد حظ اللي نخته التوافيق
وسلم على مثلك وفاز وتنامى

ان كان اخلف مني المدح توفيق
فادمح لي الزله عليك السلاما

محمد جمعان آل خشيم

عن الشاعر محمد جمعان ال خشيم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *